Heç kəsə sirr deyil ki, sumqayıtlılar hər zaman idman və bilik yarışlarında öz bacarıqları ilə seçilib. Uşaq və gənclərə sözügedən sahələrdə dəstək olmaq üçün şəhərimizdə ödənişsiz dərnəklər yaradılıb.
Sumqayıt24 izləyicilərin işini asanlaşdırmaq üçün müvafiq araşdırma aparıb.
Beləliklə, 5-ci mikrorayon ərazisində (15 nömrəli məktəbin arxa tərəfi) yerləşən 1 nömrəli İOEUGİŞM-də boks, cüdo, taekvondo, futbol, basketbol, stolüstü tennis idman növləri üzrə tam təmənnasız dərslər keçirilir. Əlaqə nömrəsi: (018) 64-213-41.
Digər bənzər mərkəzlərdən biri isə 9-cu mikrorayonda fəaliyyət göstərən 2 nömrəli UGİM-dir. Burada ibtidai sinif hazırlığı, bədii qiraət, riyaziyyat, məntiqi riyaziyyat, fizika, kimya, informatika və proqramlaşdırma, tarix-diyarşünaslıq, kompüter kursları, ingilis dili, rus dili, gənc dizayner, rəssamlıq, kağız əl işi, dərzilik və bacarıqlı əllər kimi ödənişsiz dərnəklər tədris olunur. Buraya qəbul 2-ci sinifdən aparılır. Əlaqə nömrəsi: (018) 65-6-03-05.
Maraqlandıran dərnəyə yazılmaq üçün müvafiq mərkəzə yaxınlaşmaq lazımdır. Burada, müəllimlər ilə danışaraq sizə uyğun olan saat və günü müəyyənləşdirə bilərsiniz.
