Sumqayıtda anadangəlmə fiziki qüsurlu olan gənc xanımın gözəl, toxuma əl işləri var. Həmin istedadlı xanım - 26 yaşlı Səadət Cavadovadır.
Sumqayıt24-ün müxbiri, əl işləri ilə görənlərin ürəklərini oxşayan gəncin atası Təzəxan Cavadovla həmsöhbət olub.
Onun sözlərinə görə, Səadət xanım uşaq vaxtlarından toxumağa maraq göstərib və bu bacarığı bibisindən öyrənib. Hazırda Səadət Cavadova müxtəlif heyvanlar, cizgi film personajlarının oyuncaqlarını və digər əşyaları peşəkarcasına toxuya bilir.
Gənc xanımın atası, 56 yaşlı Təzəxan isə bir zamanlar Sumqayıtda fəaliyyət göstərən zavodların birində çalışıb. Lakin hazırda o, qızının hazırladığı oyuncaq və digər əşyaların satışı ilə məşğuldur. Təzəxan kişi uzun illərdir ki, qış-yay demədən 2-ci mikrorayon ərazisində, Nəriman Nərimanov küçəsində alıcıları gözləyir.
Sumqayıt24 olaraq, Səadət xanım və Təzəxan bəyə gələcək fəaliyyətlərində uğurlar arzulayırıq! [modula id="10326"]
