Sumqayıtda qazın verilişində fasilə yaranacaq. Sumqayıt24 bu haqda 27 fevral tarixində Report.az-a istinadən xəbər verir.
“Təmiz Qaz” QSC tərəfindən “Şəhər-4” təzyiqli qaz kəmərində sızmalar aşkarlanıb. Problemin çözülmsəsi və baypas (qazın boru kəmərinin hər hansı bir hissəsini keçərək dövr etməsi üçün istifadə olunan boru kəməri) xətlərinin boru ilə əvəzlənməsinə görə 28 fevral saat 10:00-dan etibarən Corat bağları, Novxanı bağları, Saray bağları, Ceyranbatan, Yaşıldərə yaşayış massivi, Qurd dərəsi, Novruz qəsəbəsi, Təzə və köhnə Corat, 10, 11, 12, 13, 16, 17, 18, 20, 21-ci mikrorayonlar, 47, 48, 49, 50, 51, 52-ci məhəllə ərazilərində qaz olmayacaq.
Məhdudiyyət 38.500 abonenti əhatə edəcək. Qaz təminatı işlər yekunlaşandan sonra bərpa olunacaq.
